Vuoigatvuođat Ruoŧas

Mii lágas daddjo?

Ruoŧa lágaid jelgii lea gieldu vealahit ja givssidit olbmuid. Gávdno sierra suodji olbmuide mat šaddet gillát seksuálalaš eallinvuogis dihte dahje ahte sii leat transolbmot. Láhka doaibmá dalle go don givssiduvvot ovdamearkka dihte bargoaddis, skuvllas, universiteahtas, buohccedivššus dahje sosiálabálvalusas. Gávdnojit dieđut eaŋgalašgillii vealahanláhkačállosiid birra
Vealahanáittardeaddji Don máhtát váldit oktavuođa Vealahanáittardeddjiin ja oažžut vástádusa du jearaldagaide, doarjaga ja juridihkalaš veahki.

Rihkkumat vašis

Ruoŧa lágain gávdno sierra suodji olbmuid dahje joavkkuid váras geat leat gillán rihkkumiid vašis. Vašis rihkkun lea go soamis soardá nuppi olbmo danin go lea vašši dahje garra vuosteháhku dan gillájeaddji joavkogullevašvuhtii. Dát máhttá leat rihkkujeaddji vašši dahje garra vuosteháhku transolbmuid vuostá, homo- ja biseksuálalaš olbmuid vuostá dahje dakkár olbmuid vuostá geat gullet sierra oskkui, geat bohtet vissis olmmošjoavkkus dahje riikkain.

Ovdamearka rihkkumii vašis máhttá leat go soamis cábmá nuppi ja gohčoda su ”biro bögen”, dahje jus soamis máŋggaid háviid givssida skuvlavielja ja gohčoda su ” biro čáhponin” dahje ”čáhppesoaivin”. Visot daguin mat rihkkot lága máhttá leat vašši fáddan ja jus rihkkun árvvoštallo leat rihkkun vašis dat buktá mielddis ahte ráŋggáštus šaddá garrasit. Dat mearriduvvo dakkáris man namma lea ráŋggaštusgarradanlágas, ja dat galgá leat suodjin sihke transolbmuide go homo- ja biseksualalaš olbmuide.

Lea maiddái gildojuvvon uhkkidit dahje eará láhkái čájehit hálbbošeami olmmošjovkui go dainna oaivvilda sin čeardda, liikki ivnni, nášuvnnalaš dahje etnalaš duogáža, osko dahje seksuálalaš eallinvuogi. Dat gohčoduvvo olmmošjoavkku doarrideapmin.

Jus vásihat ahte leat šaddan gillát rihkkuma lea dehálaš ahte almmuhat dan boliisii. Don máhtát oažžut sihke doarjaga ja veahki ráhkadit almmuhusa.

RFSLa rihkkunoaffariid šuras dahje dan bokte ahte válddát oktavuođa BOJ:iin (Rihkkonoaffariid riikkasearvi ) telefonnummaris 08-642 00 44. BOJ gávdno máŋgga čuođi báikkiin Ruoŧas ja fállá doarjaga moanaid gielaide.